27 మోషేయు ఇశ్రాయేలీయుల పెద్దలును ప్రజలతో ఇట్లనిరి-నేడు నేను విూకు విధించుచున్న ధర్మమును విూరాచరింపవలెను. | 2 విూ దేవుడైన యెహోవా విూకిచ్చుచున్న దేశమున ప్రవేశించుటకు విూరు యొర్దాను దాటు దినమున విూరు పెద్దరాళ్లను నిలువబెట్టి వాటివిూద సున్నము పూసి | 3 నీ పితరుల దేవుడైన యెహోవా నీతో చెప్పినట్లు నీవు నీ దేవుడైన యెహోవా నీకిచ్చుచున్న పాలు తేనెలు ప్రవహించు దేశమున ప్రవేశించుటకు నీవు ఏరు దాటిన తరువాత ఈ ధర్మశాస్త్ర వాక్యములన్నిటిని వాటివిూద వ్రాయవలెను. | 4 విూరు ఈ యొర్దాను దాటిన తరువాత నేను నేడు విూకాజ్ఞాపించినట్టు ఈ రాళ్లను ఏబాలు కొండవిూద నిలువబెట్టి వాటివిూద సున్నము పూయవలెను. | 5 అక్కడ నీ దేవుడైన యెహోవాకు బలిపీఠమును కట్టవలెను. ఆ బలిపీఠమును రాళ్లతో కట్టవలెను; వాటివిూద ఇనుప పనిముట్టు పడకూడదు. | 6 చెక్కని రాళ్లతో నీ దేవుడైన యెహోవాకు బలిపీఠమును కట్టి దానివిూద నీ దేవుడైన యెహోవాకు దహనబలుల నర్పింపవలెను. | 7 మరియు నీవు సమాధానబలుల నర్పించి అక్కడ భోజనము చేసి నీ దేవుడైన యెహోవా సన్నిధిని సంతోషింపవలెను. | 8 ఈ విధికి సంబంధించిన వాక్యములన్నిటిని ఆ రాళ్లవిూద బహు విశదముగా వ్రాయవలెను. | 9 మరియు మోషేయు యాజకులైన లేవీయులును ఇశ్రాయేలీయులందరితో ఇట్లనిరి - ఇశ్రాయేలీయులారా, విూరు ఊరకొని ఆలకించుడి. | 10 నేడు విూరు విూ దేవుడైన యెహోవాకు స్వజనమైతిరి గనుక విూ దేవుడైన యెహోవా మాట విని, నేడు నేను నీకు ఆజ్ఞాపించు ఆయన కట్టడలను ఆయన ఆజ్ఞలను గైకొనవలెను. | 11 ఆ దినమందే మోషే ప్రజలకు ఆజ్ఞాపించినదేమనగా -విూరు యొర్దాను దాటిన తరువాత షిమ్యోను లేవి యూదా ఇశ్శాఖారు యోసేపు | 12 బెన్యావిూను గోత్రములవారు ప్రజలను గూర్చి దీవెన వచనములను పలుకుటకై గెరిజీము కొండవిూద నిలువవలెను. | 13 రూబేను గాదు ఆషేరు జెబూలూను దాను నఫ్తాలి గోత్రముల వారు శాప వచనములను పలుకుటకై ఏబాలు కొండవిూద నిలువ వలెను. | 14 అప్పుడు లేవీయులు
15 -యెహోవాకు హేయముగా శిల్పి చేతులతో మలిచిన విగ్రహమునేగాని పోతవిగ్రహమునేగాని చేసి చాటున నుంచువాడు శాపగ్రస్తుడని యెలుగెత్తి ఇశ్రాయేలీయులందరితోను చెప్పగా-ఆమేన్‌ అనవలెను.
16 -తన తండ్రినైనను తన తల్లినైనను నిర్లక్ష్యము చేయు వాడు శాపగ్రస్తుడని చెప్పగా ప్రజలందరు-ఆమేన్‌ అన వలెను.
17 -తన పొరుగువాని సరిహద్దు రాయిని తీసివేయువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
18 -గ్రుడ్డివాని త్రోవను తప్పించువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
19 -పరదేశికేగాని తండ్రిలేనివానికేగాని విధవరాలికే గాని న్యాయము తప్పి తీర్పు తీర్చువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
20 -తన తండ్రి భార్యతో శయనించువాడు తన తండ్రి కోకను విప్పినవాడు గనుక వాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
21 -ఏ జంతువుతోనైనను శయనించువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
22 -తన సహోదరితో, అనగా తన తండ్రికుమార్తెతోగాని తన తల్లికుమార్తెతోగాని శయనించువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
23 -తన అత్తతో శయనించువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
24 -చాటున తన పొరుగు వానిని కొట్టువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.
25 -నిర్దోషికి ప్రాణహాని చేయుటకు లంచము పుచ్చుకొనువాడు శాపగ్రస్తుడని చెప్పగా ప్రజలందరు-ఆమేన్‌ అనవలెను. 26 -ఈ విధికి సంబంధించిన వాక్యములను గైకొనక పోవుటవలన వాటిని స్థిరపరచనివాడు శాపగ్రస్తుడని చెప్పగా ప్రజలందరు-ఆమేన్‌ అనవలెను.