34 లేయా యాకోబునకు కనిన కుమార్తెయైన దీనా ఆ దేశపు కుమార్తెలను చూడ వెళ్లెను. | 2 ఆ దేశము నేలిన హివ్వీయుడైన హమోరు కుమారుడగు షెకెము ఆమెను చూచి ఆమెను పట్టుకొని ఆమెతో శయనించి ఆమెను అవమానపరచెను. | 3 అతని మనస్సు యాకోబు కుమార్తెయైన దీనా విూదనే ఉండెను; అతడు ఆ చిన్నదాని ప్రేమించి ఆమెతో ప్రీతిగా మాటలాడి | 4 ఈ చిన్నదాని నాకు పెండ్లి చేయమని తన తండ్రియైన హమోరును అడిగెను. | 5 తన కుమార్తెను అతడు చెరిపెనని యాకోబు విని, తన కుమారులు పశువులతో పొలములలో నుండినందున వారు వచ్చు వరకు ఊరకుండెను. | 6 షెకెము తండ్రియగు హమోరు యాకోబుతో మాటలాడుటకు అతని యొద్దకు వచ్చెను. | 7 యాకోబు కుమారులు ఆ సంగతి విని పొలములో నుండి వచ్చిరి. అతడు యాకోబు కుమార్తెతో శయనించి ఇశ్రాయేలు జనములో అవమానకరమైన కార్యము చేసెను; అది చేయరాని పని గనుక ఆ మనుష్యులు సంతాపము పొందిరి, వారికి మిగుల కోపము వచ్చెను. | 8 అప్పుడు హమోరు వారితో-షెకెము అను నా కుమారుని మనస్సు విూ కుమార్తె విూదనే ఉన్నది; దయచేసి ఆమెను అతనికిచ్చి పెండ్లి చేయుడి. | 9 విూ పిల్లలను మాకిచ్చి మా పిల్లలను విూరు పుచ్చుకొని మాతో వియ్యమంది మా మధ్య నివసించుడి. | 10 ఈ దేశము విూ యెదుట ఉన్నది; ఇందులో విూరు నివసించి వ్యాపారము చేసి ఆస్తి సంపాదించుకొనుడని చెప్పెను. | 11 మరియు షెకెము-విూ కటాక్షము నా విూద రానీయుడి; విూరేమి అడుగుదురో అది యిచ్చెదను. | 12 ఓలియు కట్నమును ఎంతైనను అడుగుడి; విూరు అడిగినంత యిచ్చెదను; విూరు ఆ చిన్నదాని నాకు ఇయ్యుడని ఆమె తండ్రితోను ఆమె సహోదరులతోను చెప్పెను. | 13 అయితే తమ సహోదరియైన దీనాను అతడు చెరిపినందున యాకోబు కుమారులు షెకెముతోను అతని తండ్రియైన హమోరుతోను కపటముగా ఉత్తరమిచ్చి అనినదేమనగా | 14 -మేము ఈ కార్యము చేయలేము, సున్నతి చేయించుకొనని వారికి మా సహోదరిని ఇయ్యలేము, అది మాకు అవమానమగును. | 15 విూలో ప్రతి పురుషుడు సున్నతి పొంది మావలె నుండిన యెడల సరి; | 16 ఆ పక్షమందు విూ మాట కొప్పుకొని, మా పిల్లలను విూకిచ్చి విూ పిల్లలను మేము పుచ్చుకొని, విూ మధ్య నివసించెదము, అప్పుడు మనము ఏకజనమగుదుము. | 17 విూరు మా మాట విని సున్నతి పొందని యెడల మా పిల్లను తీసికొని పోవుదుమని చెప్పగా | 18 వారి మాటలు హమోరుకును హమోరు కుమారుడైన షెకెముకును ఇష్టముగా నుండెను. | 19 ఆ చిన్నవాడు యాకోబు కుమార్తె యందు ప్రీతిగలవాడు గనుక అతడు ఆ కార్యము చేయుటకు తడవు చేయలేదు. అతడు తన తండ్రి యింటి వారందరిలో ఘనుడు. | 20 హమోరును అతని కుమారుడైన షెకెమును తమ ఊరి గవిని యొద్దకు వచ్చి తమ ఊరి జనులతో మాటలాడుచు | 21 -ఈ మనుష్యులు మనతో సమాధానముగా నున్నారు గనుక వారిని ఈ దేశమందు ఉండనిచ్చి యిందులో వ్యాపారము చేయనియ్యుడి; ఈ భూమి వారికిని చాలినంత విశాలమై యున్నదిగదా, మనము వారి పిల్లలను పెండ్లి చేసికొని మన పిల్లలను వారికి ఇత్తము. | 22 అయితే ఒకటి, ఆ మనుష్యులు సున్నతి పొందునట్లు మనలో ప్రతి పురుషుడు సున్నతి పొందిన యెడలనే మన మాటకు వారు ఒప్పుకొని మనలో నివసించి యేక జన ముగా నుందురు. | 23 వారి మందలు వారి ఆస్తి వారి పశువులన్నియు మనవగునుగదా; ఎట్లయినను మనము వారి మాటకు ఒప్పుకొందము, అప్పుడు వారు మనలో నివసించెదరనగా | 24 హమోరును అతని కుమారుడగు షెకెమును చెప్పిన మాట అతని ఊరి గవిని ద్వారా వెళ్లు వారందరు వినిరి. అప్పుడతని ఊరి గవిని ద్వారా వెళ్లు వారిలో ప్రతి పురుషుడు సున్నతి పొందెను. | 25 మూడవ దినమున వారు బాధపడుచుండగా యాకోబు కుమారులలో నిద్దరు, అనగా దీనా సహోదరులైన షిమ్యోనును లేవియు, తమ కత్తులు చేత పట్టుకొని యెవరికి తెలియకుండ ఆ ఊరి విూద పడి ప్రతి పురుషుని చంపిరి. | 26 వారు హమోరును అతని కుమారుడైన షెకెమును కత్తివాత చంపి షెకెము ఇంట నుండి దీనాను తీసికొని వెళ్లిపోయిరి. | 27 తమ సహో దరిని చెరిపినందున యాకోబు కుమారులు చంపబడిన వారు ఉన్నచోటికి వచ్చి ఆ ఊరు దోచుకొని | 28 వారి గొఱ్ఱెలను పశువులను గాడిదలను ఊరిలోనిదేమి పొలములోని దేమి | 29 వారి ధనము యావత్తును తీసికొని, వారి పిల్లలనందరిని వారి స్త్రీలను చెరపట్టి, యిండ్లలో నున్నదంతయు దోచుకొనిరి. | 30 అప్పుడు యాకోబు షిమ్యోనును లేవిని చూచి విూరు నన్ను బాధపెట్టి యీ దేశ నివాసులైన కనానీయులలోను పెరిజ్జీయులలోను అసహ్యునిగా చేసితిరి; నా జనసంఖ్య కొంచమే; వారు నా విూదికి గుంపుగా వచ్చి నన్ను చంపెదరు; నేనును నా యింటి వారును నాశన మగుదుమని చెప్పెను. | 31 అందుకు వారు-వేశ్య యెడల జరిగించినట్లు మా సహోదరి యెడల ప్రవర్తింప వచ్చునా అనిరి.